ဂျပန်နိုင်ငံအစိုးရသည် ၄င်း၏အသေးစားစီမံကိန်းများထောက်ပံ့ရေးအစီအစဉ်အရ လူသားချင်းစာနာထောက်ထားမှု အထောက်အပံ့အဖြစ် ပဲခူးတိုင်းဒေသကြီး၊ ကျောက်ကြီးမြို့နယ်၊ လေးပေါမူကျေးရွာအခြေခံပညာအလယ်တန်း ကျောင်းခွဲဆောက်လုပ်ရေးစီမံကိန်းအတွက် အမေရိကန်ဒေါ်လာ(၉၂,၀၃၅) ကိုပံ့ပိုးပေးခဲ့ပါသည်။

အထက်ပါစီမံကိန်းနှစ်ခု၏ဖွင့်လှစ်ပွဲနှင့်လွှဲပြောင်းပွဲအခမ်းအနားကို ၂၀၁၅ခုနှစ်၊ဇူလိုင်လ(၂၀)ရက်တွင် ပဲခူးတိုင်းဒေသ ကြီး၊ကျောက်ကြီးမြို့နယ်၌ကျင်းပခဲ့ပါသည်။ ဖွင့်ပွဲအခမ်းအနားသို့ မြန်မာနိုင်ငံဂျပန်သံရုံးမှဒုတိယအတွင်းဝန် Mr. Kazuyoshi SUZUKI၊ ပဲခူးတိုင်းဒေသကြီးကရင်တိုင်းရင်းသားရေးရာဝန်ကြီးဦးစောဂျူဘလီစံလှ၊ ပဲခူးတိုင်းဒေသကြီး စက်မှုနှင့်လျှပ်စစ်ရေးရာဝန်ကြီးဦးဘေဘီအုန်း၊ကျောက်ကြီးမြို့နယ်ပြည်သူ့လွှတ်တော်ကိုယ်စားလှယ်ဦးဥာဏ်ဆွေဝင်း၊ ဆောက်လုပ်ရေးကော်မတီဥက္ကဋ္ဌနှင့်ကော်မတီအဖွဲ့ဝင်များ၊ ရပ်မိရပ်ဖများနှင့်ဒေသခံပြည်သူများ တက်ရောက်ခဲ့ကြ ပါသည်။

လေးပေါမူကျောင်းသည် ၂၀၁၃ခုနှစ်တွင် အခြေခံပညာအလယ်တန်းကျောင်းခွဲသို့အဆင့်မြှင့်လိုက်သော်လည်း၊ တိုးလာသောကျောင်းသူ/သားများအတွက် စာသင်ခန်းလုံလောက်မှုမရှိခဲ့ပါ။ ဒုတိယတန်း၊တတိယတန်း၊စတုတ္ထတန်း နှင့်ဒဿမတန်းကျောင်းသူ/သားများသည် ဆူညံသောယာယီအဆောက်အအုံနှစ်ခုတွင် စာသင်ကြားခဲ့ရပါသည်။ ဤကဲ့သို့သောအခြေအနေများတွင် ဂျပန်နိုင်ငံအစိုးရမှ၎င်း၏အသေးစားစီမံကိန်းများထောက်ပံ့ရေးအစီအစဉ်အရ စာသင်ခန်းငါးခန်းနှင့်စာသင်ခုံများအပြည့်အ၀ပါဝင်သော သံကူကွန်ကရစ်တစ်ထပ်စာသင်ဆောင်တစ်ဆောင်ကိုပံ့ပိုး ပေးခဲ့ပါသည်။ စီမံကိန်းသည် ကရင်တိုင်းရင်းသားကျောင်းသူ/သား(၄၄၈)ဦးကို အကျိုးခံစားမှုဖြစ်ပေါ်စေပါမည်။

ဂျပန်နိုင်ငံအစိုးရသည်မြန်မာနိုင်ငံတွင် အသေးစားစီမံကိန်းများထောက်ပံ့ရေးအစီအစဉ်ဖြင့် ၁၉၉၃ ခုနှစ်မှစတင်ပြီး စီမံကိန်းပေါင်း(၇၂၇)ခုကိုထောက်ပံ့ပေးခဲ့ပြီးဖြစ်ရာ၊ ပညာရေးထောက်ပံ့ရေးစီမံကိန်းပေါင်း(၃၂၈)ခု၊ ကျန်းမာရေးစောင့် ရှောက်မှုအဆင့်မြှင့်တင်ရေးစီမံကိန်းပေါင်း(၁၉၂)ခုနှင့် လူမှုဖူလုံရေးနှင့်ပတ်ဝန်းကျင်စီမံကိန်းပေါင်း(၁၃၈)ခု၊ အခြေခံ အဆောက်အအုံစီမံကိန်းပေါင်း(၃၄)ခုနှင့် အခြားအမျိုးမျိုးသောစီမံကိန်းပေါင်း(၃၅)ခုတို့ကို ဆောက်လုပ်ကူညီခဲ့ပြီးဖြစ် ပါသည်။ ဤအထောက်အပံ့များသည် လက်ရှိမြန်မာ-ဂျပန်နှစ်နိုင်ငံချစ်ကြည်ရေးကိုလည်း ပိုမိုတိုးတက်ခိုင်မာလာစေ လိမ့်မည်ဟုမျှော်လင့်လျက်ရှိပါသည်။