ဂျပန်နိုင်ငံအစိုးရသည် ၄င်း၏အသေးစားစီမံကိန်းများထောက်ပံ့ရေးအစီအစဉ်အရ လူသားချင်းစာနာထောက်ထားမှု အထောက်အပံ့အဖြစ် အမေရိကန်ဒေါ်လာ(၃၇၁,၇၇ဝ) ကို အောက်ဖော်ပြပါစီမံကိန်းများအတွက် ထောက်ပံ့ပေးခဲ့ပါ သည်။

၁) ဧရာဝတီတိုင်းဒေသကြီး၊ သာပေါင်းမြို့နယ်၊ ငှက်ပျောတောကျေးရွာ အခြေခံပညာမူလတန်းကျောင်းခွဲဆောက် လုပ်ရေးစီမံကိန်းအတွက် အမေရိကန်ဒေါ်လာ (၈၅,၆၁ဝ)၊
၂) ဧရာဝတီတိုင်းဒေသကြီး၊ မြောင်းမြမြို့နယ်၊ ငမြင်းချောင်း အခြေခံပညာအလယ်တန်းကျောင်းခွဲဆောက်လုပ်ရေး စီမံကိန်းအတွက် အမေရိကန်ဒေါ်လာ (၁၂၈,၇၃၅) နှင့်
၃) ဧရာဝတီတိုင်းဒေသကြီး၊ ဝါးခယ်မမြို့နယ်၊ ကျုံတိုင်ကျေးရွာ အခြေခံပညာအထက်တန်းကျောင်းဆောက်လုပ် ရေးစီမံကိန်းအတွက် အမေရိကန်ဒေါ်လာ (၁၅၇,၄၂၅) တို့ ဖြစ်ကြပါသည်။

စီမံကိန်းနံပါတ်(၁)ကို မြန်မာနိုင်ငံအစိုးရက ဂျပန်နိုင်ငံအစိုးရသို့ ရေဘေးဒဏ်ခံခဲ့ရသော ကျောင်းပေါင်း(၄၉၃)ကျောင်း ထဲမှ တစ်ကျောင်းအပါအဝင် ပြန်လည်တည်ဆောက်ရေးနှင့် ပြန်လည်ထူထောင်ရေးလုပ်ငန်းများအတွက် ကူညီထောက်ပံ့ ပေးရန် မေတ္တာရပ်ခံခဲ့ခြင်းဖြစ်ပါသည်။

အထက်ပါ စီမံကိန်းများလွှဲပြောင်းပေးအပ်ပွဲအခမ်းအနားများကို နိုဝင်ဘာလ ၂၈ နှင့် ၂၉ ရက်နေ့များတွင် သာပေါင်း၊ မြောင်းမြနှင့် ဝါးခယ်မမြို့နယ်များ၌ အသီးသီးကျင်းပခဲ့ပါသည်။ အခမ်းအနားများသို့ မြန်မာနိုင်ငံဆိုင်ရာဂျပန်သံရုံးမှ ပထမအတွင်းဝန်၊ ဆေးသံမှူး Dr. Takanori INOSE ၊ ဧရာဝတီတိုင်းဒေသကြီး ဝါးခယ်မမြို့နယ် ပြည်သူ့လွှတ်တော် ကိုယ်စားလှယ် ဦးဇော်သိန်း၊ ဧရာဝတီတိုင်းဒေသကြီး မြောင်းမြမြို့နယ် မဲဆန္ဒနယ်အမှတ်(၂) တိုင်းဒေသကြီးလွှတ်တော် ကိုယ်စားလှယ် ဒေါ်ခိုင်ဇင်ဦး၊ ဧရာဝတီတိုင်းဒေသကြီး ဝါးခယ်မမြို့နယ် မဲဆန္ဒနယ်အမှတ်(၁) တိုင်းဒေသကြီးလွှတ်တော် ကိုယ်စားလှယ် ဦးဌေးအောင်၊ ဆောက်လုပ်ရေးစီမံကိန်းများမှ ကော်မတီဥက္ကဋ္ဌများနှင့် ကော်မတီ အဖွဲ့ဝင်များ၊ ဒေသခံပြည်သူများတက်ရောက်ခဲ့ကြပါသည်။

ငှက်ပျောတောကျေးရွာ အခြေခံပညာမူလတန်းကျောင်းခွဲရှိ တစ်ခုတည်းသောကျောင်းဆောင်တစ်ဆောင်သည် (၂ဝ၁၅) ခုနှစ်တွင် (၅)ပေအထိမြင့်တက်ခဲ့သောရေဘေးဒဏ်ကြောင့် ရေနစ်မြုပ်ခဲ့ပါသည်။ သို့သော်လည်း ကျောင်းသူကျောင်း သားများသည် ကျောင်းဆောင်မရှိသောကြောင့် အဆိုပါယိုယွင်းပျက်စီးနေသောကျောင်းဆောင်တွင် ပညာသင်ကြားခဲ့ရ ပါသည်။ ကျောင်းသူကျောင်းသားများ ကောင်းမွန်လုံခြုံစွာ ပညာသင်ကြားနိုင်ရန် ဂျပန်အစိုးရက စာသင်ခန်း(၆)ခန်း၊ ကျောင်းပရိဘောဂအပြည့်အစုံနှင့် သန့်စင်ခန်း(၂)ခန်းပါဝင်သော နှစ်ထပ်သံကူကွန်ကရစ် ကျောင်းဆောင်တစ်ဆောင် ထောက်ပံ့ပေးခဲ့ပါသည်။ ဤစီမံကိန်းကြောင့် ကျောင်းရှိကျောင်းသူကျောင်းသား(၁၁၃)ဦး အကျိုးခံစားရမည်ဖြစ်ပါသည်။

ဂျပန်နိုင်ငံသည် သဘာဝဘေးအန္တရာယ်များစွာ ရင်ဆိုင်ကြုံတွေ့ခဲ့ရသော အတွေ့အကြုံရှိပါသည်။ ထို့အတူဂျပန်နိုင်ငံ သည် ပြီးခဲ့သောဘေးအန္တရာယ်များမှ သင်ခန်းစာများရယူကာ “ပိုမိုကောင်းမွန်အောင်ပြန်လည်တည်ဆောက်ခြင်း” ဆို သောအယူအဆကို တစ်ကမ္ဘာလုံး၌ပျံ့နှံ့သွားစေရန် မိတ်ဆက်ခဲ့ပါသည်။ “ပိုမိုကောင်းမွန်အောင် ပြန်လည်တည်ဆောက် ခြင်း” ဆိုသည်မှာ သဘာဝဘေးအန္တရာယ်တစ်ခုဖြစ်ပွားပြီးနောက် ဘေးအန္တရာယ်ဖြစ်နိုင်ခြေများလျှော့ချနိုင်ရန် သဘာဝ ဘေးအန္တရာယ်မဖြစ်ပွားမီအချိန်ကထက် လူမှုအဖွဲ့အစည်းကို ပိုမိုခိုင်မာကောင်းမွန်လာအောင် ပြန်လည်တည်ဆောက် ခြင်းဖြစ်ပါသည်။ ဤအတွေးအခေါ်အပေါ်အခြေခံ၍ ဂျပန်အစိုးရအနေဖြင့် ၄င်း၏အသေးစားစီမံကိန်းများ ထောက်ပံ့ရေး အစီအစဉ်အရ ကျောင်းအဆောက်အအုံအသစ်များကို ရေကြီးစဉ်ကာလကထိခိုက်ပျက်စီးခဲ့ရသော ကျောင်းအဆောက် အအုံထက် ပိုမိုတောင့်တင်းခိုင်မာအောင် ပြန်လည်တည်ဆောက်ပေးခြင်းဖြစ်ပါသည်။

ငမြင်းချောင်း အခြေခံပညာအလယ်တန်းကျောင်းခွဲ၌ ကျောင်းဆောင်(၅)ဆောင်ရှိပါသည်။ သို့သော်လည်း စာသင်ခန်း အရေအတွက်မှာ မလုံလောက်သဖြင့် ကျောင်းသူကျောင်းသားဦးရေ (၁ဝဝ) ကျော်သည် ကျိုးပဲ့လွယ်သောပစ္စည်းများဖြင့် ဆောက်လုပ်ထားသော ယာယီကျောင်းဆောင်ရှိ စာသင်ခန်းတစ်ခန်းအတွင်း၌ ပညာသင်ကြားခဲ့ရပါသည်။ အဆိုပါ အခက်အခဲကိုဖြေရှင်းရန် ဂျပန်နိုင်ငံအစိုးရမှ စာသင်ခန်း(၈)ခန်းနှင့် ကျောင်းပရိဘောဂအပြည့်အစုံပါဝင်သော နှစ်ထပ်သံ ကူကွန်ကရစ် ကျောင်းဆောင်တစ်ဆောင် ထောက်ပံ့ပေးခဲ့ပါသည်။ ဤစီမံကိန်းကြောင့် ကျောင်းရှိကျောင်းသူကျောင်း သား(၇ဝ၅)ဦး အကျိုးခံစား ရမည်ဖြစ်ပါသည်။

ကျုံတိုင်ကျေးရွာ အခြေခံပညာအထက်တန်းကျောင်းကို (၁၉၅၄)ခုနှစ်၌ တည်ထောင်ခဲ့ပါသည်။ (၁၉၆၉)ခုနှစ်တွင် ဆောက်လုပ်ခဲ့သော ကျောင်းဆောင်အမှတ်(၁)သည် ဟောင်းနွမ်းဆွေးမြေ့နေခဲ့သော်လည်း ကျောင်းသူကျောင်းသား များသည် စာသင်ခန်းအရေအတွက် မလုံလောက်သောကြောင့် ကျပ်တည်းသောစာသင်ခန်းများတွင် ပညာသင်ကြားခဲ့ ရပါသည်။ သင့်တင့်လျောက်ပတ်သော ကျောင်းပတ်ဝန်းကျင်ကောင်းတစ်ခုဖန်တီးပေးရန် ဂျပန်နိုင်ငံအစိုးရမှ စာသင်ခန်း (၁ဝ)ခန်း နှင့် ကျောင်းပရိဘောဂအပြည့်အစုံပါဝင်သော နှစ်ထပ်သံကူကွန်ကရစ် ကျောင်းဆောင်တစ်ဆောင် ထောက်ပံ့ ပေးခဲ့ပါသည်။ ဤစီမံကိန်းကြောင့် ကျောင်းရှိကျောင်းသူကျောင်းသား(၁,၁၁ဝ)ဦး အကျိုးခံစားရမည်ဖြစ်ပါသည်။

ဂျပန်နိုင်ငံအစိုးရသည် မြန်မာနိုင်ငံတွင်အသေးစားစီမံကိန်းများထောက်ပံ့ရေးအစီအစဉ်ဖြင့် ၁၉၉၃ ခုနှစ်မှစတင်၍ စီမံ ကိန်းပေါင်း(၈၂၄)ခုကို ထောက်ပံ့ခဲ့ပြီးဖြစ်ရာ ပညာရေးထောက်ပံ့ရေးစီမံကိန်းပေါင်း(၃၉၉)ခု၊ ကျန်းမာရေးစောင့်ရှောက်မှု အဆင့်မြှင့်တင်ရေးစီမံကိန်းပေါင်း(၁၉၉)ခုနှင့် လူမှုဖူလုံရေးနှင့်ပတ်ဝန်းကျင်စီမံကိန်းပေါင်း(၁၃၉)ခု၊ အခြေခံအဆောက် အအုံစီမံကိန်းပေါင်း(၅၂)ခုနှင့် အခြားအမျိုးမျိုးသော စီမံကိန်းပေါင်း(၃၅)ခုတို့ကို ထောက်ပံ့ခဲ့ပါသည်။ ဤအထောက်အပံ့ များသည် လက်ရှိမြန်မာ-ဂျပန်နှစ်နိုင်ငံချစ်ကြည်ရေးကိုလည်း ပိုမိုတိုးတက်ခိုင်မာလာစေလိမ့်မည်ဟု မျှော်လင့်လျက်ရှိပါ သည်။