မြန်မာနိုင်ငံဆိုင်ရာဂျပန်သံအမတ်ကြီး H.E. Mr. Tateshi HIGUCHI နှင့် မကွေးတိုင်းနှင့်ဧရာဝတီတိုင်းဒေသ ကြီးများမှ ဆောက်လုပ်ရေးကော်မတီဥက္ကဌတို့သည် စီမံကိန်းသုံးခုအတွက် အထောက်အပံ့ပေးရေးသဘောတူ စာချုပ်များကို ယနေ့လက်မှတ်ရေးထိုးကြပါသည်။ အဆိုပါသဘောတူစာချုပ်များအရ ဂျပန်နိုင်ငံအစိုးရသည် ၎င်း၏ အသေးစားစီမံကိန်းများထောက်ပံ့ရေးအစီအစဉ်အရ စုစုပေါင်းအမေရိကန်ဒေါ်လာ (၃၉၈, ၇၉၅) ကို ပံ့ပိုးပေးမည်ဖြစ် ပြီး အဆိုပါစီမံကိန်းများမှာ-

၁. ဧရာဝတီတိုင်းဒေသကြီး၊ ပါးရိုက်အခြေခံပညာအလယ်တန်းကျောင်းခွဲဆောက်လုပ်ရေးစီမံကိန်းအတွက် အမေ ရိကန်ဒေါ်လာ (၁၂၀,၆၆၃) ၊
၂. မကွေးတိုင်းဒေသကြီး၊ အောင်လံမြို့နယ်၊ ဆတ်ဆူဝကျေးရွာလမ်းအဆင့်မြှင့်တင်ရေးစီမံကိန်းအတွက် အမေရိ ကန်ဒေါ်လာ (၁၄၅,၈၇၀) နှင့်
၃. မကွေးတိုင်းဒေသကြီး၊ အောင်လံမြို့နယ်၊ ကရင်စမ်းကျေးရွာလမ်းအဆင့်မြှင့်တင်ရေးစီမံကိန်းအတွက် အမေရိ ကန်ဒေါ်လာ (၁၃၂,၂၆၂) တို့ဖြစ်ကြပါသည်။

ပါးရိုက်အခြေခံပညာအလယ်တန်းကျောင်းခွဲတွင် စာသင်ခန်းများလုံလောက်မှုမရှိသဖြင့် ယာယီကျောင်းတစ်ဆောင် ကိုဆောက်လုပ်ထားခဲ့ပါသည်။ သို့သော်လည်းလက်ရှိအဆောက်အဦတွင် စာသင်ခန်းတစ်ခန်းတွင်၇၀ဦး ကျဉ်းကျပ် စွာ စာသင်ကြားခဲ့ရပါသည်။ ကျောင်းသား/သူများကို သင့်တော်သောစာသင်ကြားမှုပတ်ဝန်းကျင်ရရှိစေရန် ဂျပန်နိုင်ငံ အစိုးရမှ ကျောင်းသုံးပရိဘောဂအပြည့်စုံနှင့် စာသင်ခန်း၈ခန်းပါဝင်သော သံကူကွန်ကရစ်နှစ်ထပ်စာသင်ဆောင် တစ်ဆောင်ကို ပံ့ပိုးပေးမည်ဖြစ်ပါသည်။ စီမံကိန်းသည် ကျောင်းရှိကျောင်းသား/သူ ၄၉၁ဦးကို အကျိုးခံစားစေမည် ဖြစ်ပါသည်။

ဆတ်ဆူဝကျေးရွာလက်ရှိလမ်းသည် မိုးရာသီများတွင်ရွှံ့ဗွက်ထူထပ်သဖြင့် ကျေးရွာသူ/သားများ စိုက်ပျိုးသီးနှံထွက် ကုန်များတင်ပို့ရန်၊ လူနာများဆေးရုံသို့ပို့ဆောင်ရန်နှင့် ကျောင်းသား/သူများကိုကျောင်းသို့ပို့ဆောင်ရန် အခက်အခဲ များစွာ ကြုံခဲ့ရပါသည်။ ထို့ကြောင့် ကျောင်းသား/သူများသည် ရွာမှ၆ကီလိုမီတာဝေးသော အထက်တန်းကျောင်းသို့ လမ်းလျှောက်သွားရန် ၄နာရီအချိန်ယူရပါသည်။ အကျိုးဆက်အနေနှင့် ၅၀ရာခိုင်နှုန်းသောအလယ်တန်းကျောင်း သား/သူများ အထက်တန်းဆက်မတက်ဖြစ်တော့ပါ။ အဆိုပါအခက်အခဲကိုဖြေရှင်းနိုင်ရန် ဂျပန်နိုင်ငံအစိုးရမှ မြေအောက်မြောင်းနှစ်ခုအပါအ၀င် ၄.၈ကီလိုမီတာရှည်သောလမ်းကို အဆင့်မြှင့်တင်ရန် ပံ့ပိုးပေးမည်ဖြစ်ပါသည်။ စီမံကိန်းသည် ဒေသခံ ၁,၆၈၈ဦးကို အကျိုးခံစားစေမည်ဖြစ်ပါသည်။

ကရင်စမ်းကျေးရွာလက်ရှိလမ်းသည် ရွာမှအနီးဆုံးမြို့သို့သွားရန်လမ်းမကြီးကိုဆက်သွယ်ပေးရာလမ်း ဖြစ်ပါသည်။ အဆိုပါလမ်းကို ကျေးရွာသူ/သားများ စိုက်ပျိုးသီးနှံထွက်ကုန်များတင်ပို့ရန်၊ လူနာများဆေးရုံသို့ပို့ဆောင်ရန်နှင့် ကျောင်းသား/သူများကိုကျောင်းသို့ပို့ဆောင်ရန် အသုံးပြုနေကြပါသည်။ သို့သော်လည်း မိုးရာသီများတွင် လမ်းမှာ ရွှံ့ဗွက်ထူထပ်ပြီး အချို့သောလူနာများမှာကုသခံယူမှုနှောင့်နှေးခြင်းကြောင့် အသက်ဆုံးရှုံးမှုများရှိခဲ့ပါသည်။ အဆိုပါ အခက်အခဲကိုဖြေရှင်းနိုင်ရန် ဂျပန်နိုင်ငံအစိုးရမှ မြေအောက်မြောင်းအပါအ၀င် ၄.၃ကီလိုမီတာရှည်လျားသောလမ်း ကို အဆင့်မြှင့်တင်ရန် ပံ့ပိုးပေးမည်ဖြစ်ပါသည်။ စီမံကိန်းသည် ဒေသခံ ၃,၅၂၄ဦးကို အကျိုးခံစားစေမည် ဖြစ်ပါသည်။

ဂျပန်နိုင်ငံအစိုးရသည် မြန်မာနိုင်ငံတွင်အသေးစားစီမံကိန်းများထောက်ပံ့ရေးအစီအစဉ်ဖြင့် ၁၉၉၃ ခုနှစ်မှစတင်ပြီး စီမံကိန်းပေါင်း(၈၀၅)ခုကိုထောက်ပံ့ပေးခဲ့ပြီးဖြစ်ရာ၊ ပညာရေးထောက်ပံ့ရေးစီမံကိန်းပေါင်း(၃၉၃)ခု၊ ကျန်းမာရေး စောင့်ရှောက်မှု အဆင့်မြှင့်တင်ရေးစီမံကိန်းပေါင်း(၁၉၈)ခုနှင့် လူမှုဖူလုံရေးနှင့်ပတ်ဝန်းကျင်စီမံကိန်းပေါင်း(၁၃၈)ခု၊ အခြေခံအဆောက်အဦးစီမံကိန်းပေါင်း(၄၁)ခုနှင့် အခြားအမျိုးမျိုးသောစီမံကိန်းပေါင်း(၃၅)ခုတို့ကို ဆောက်လုပ် ကူညီခဲ့ပြီးဖြစ်ပါသည်။ ဤအထောက်အပံ့များသည် လက်ရှိမြန်မာ-ဂျပန်နှစ်နိုင်ငံချစ်ကြည်ရေးကိုလည်း ပိုမိုတိုးတက် ခိုင်မာလာစေလိမ့်မည်ဟု မျှော်လင့်လျက်ရှိပါသည်။