သြဂုတ်လ၊၂၆ရက်နေ့တွင်　ရန်ကုန်မြို့ရှိ Melia ဟိုတယ်တွင် "၁၉ ကြိမ်မြောက် ဂျပန်စကား ပြောပြိုင်ပွဲ" ၏ နောက်ဆုံး ယှဉ်ပြိုင်ပွဲ ကို ကျင်းပခဲ့ပါသည် (မြန်မာနိုင်ငံ ဆိုင်ရာ ဂျပန်သံရုံးနှင့် မြန်မာနိုင်ငံ ဂျပန်ပြန် ပညာသင်ဟောင်း အသင်း (MAJA)တို့ ပူးပေါင်းပြီး၊ ဂျပန် ဖောင်ဒေးရှင်း၊ မြန်မာနိုင်ငံ ဂျပန် ကုန်သည်ကြီးများ အသင်း (JCCM)၊ ဂျပန်လူမျိုးများ အသင်း ရန်ကုန်၊ ဂျပန်- မြန်မာအသင်းနှင့် ဂျပန် ပြည်ပ စီးပွားရေး လုပ်ငန်းရှင်များအသင်းတို့က ပံ့ပိုးကူညီခဲ့ကြပါသည်)
ထိုနေ့တွင် ပြိုင်ပွဲဝင်ရန် လျှောက်ထားသူ (၁၀၀)ဦးထဲမှ ပဏာမ ရွေးချယ်ခံရသည့် ပြိုင်ပွဲဝင်(၁၅)ဦးတို့က အကြိတ်အနယ် ယှဉ်ပြိုင်ခဲ့ကြသော စိတ်လှုပ်ရှား ဖွယ်ရာ ပြိုင်ပွဲတစ်ခု ဖြစ်ခဲ့ပါသည်။

ပြိုင်ပွဲဝင်အားလုံး၏ယှဉ်ပြိုင်မှု ပြီးဆုံးပြီးနောက် အကဲဖြတ်ဒိုင်လူကြီးများက တင်းကျပ်သောအမှတ်ပေး စည်းမျဉ်းများအရ မျှတစွာ အမှတ်ပေးခဲ့ကြပြီး ထူးချွန်သူ(၃)ဦးနှင့် ဇွဲဆုရရှိသူတို့ကို အသီးသီးကြေညာခဲ့ပါသည်။
ဆုရရှိသူနှင့် ၄င်းတို့၏ ပြိုင်ပွဲဝင် အကြာင်းအရာများမှာ အောက်ပါအတိုင်း ဖြစ်ပါသည်။

ပထမဆု မနွေဦးခိုင် [ကျွန်မထံသို့ အိပ်မက်များကို ဆောင်ယူလာပေးသော ကလေးငယ်များ]

ဂုဏ်ပြုလက်မှတ်ကို ဂျပန်သံအမတ်ကြီး Mr. Maruyama မှလည်းကောင်း ၊ ဆုလက်ဆောင်ကို ဂျပန်လူမျိုး များအသင်းဥက္ကဌ Mr. Muto မှလည်းကောင်း၊ ဂျပန်နိုင်ငံ သို့ အသွားအပြန် လေယာဉ်လက်မှတ်ကို ဂျပန် - မြန်မာ အသင်း အတွင်းရေးမှူး Mr. Oba တို့မှ လည်းကောင်း အသီးသီး ပေးအပ်ချီးမြှင့်ခဲ့ပါသည်။

(အကဲဖြတ် ဒိုင်လူကြီးများ၏ မှတ်ချက်)
ကျောင်းတက်စဉ် အမြဲတွေ့မြင်ခဲ့ရသော ဘဝကို ဈေးရောင်းရင်း ရှင်သန်နေကြရသည့် လမ်းပေါ်မှ ကလေးများကြောင့် စိတ်နှလုံး ထိခိုက်ခဲ့ရပြီး မြန်မာပြည်မှ ကလေးအားလုံးကို ပညာသင်ရန် အခွင့်အလမ်းများကို ပေးချင်သည့် အိပ်မက်များကို ရင်ဝယ်ပိုက်ထားသော မနွေဦးခိုင်။
တက္ကသိုလ်တွင် ဂျပန်စာကို သင်ယူရင်း တစ်ဖက်တစ်လမ်းမှလည်း လူသားချင်း ကူညီရေး လှုပ်ရှားမှုများတွင် ပါဝင်ဆောင်ရွက်ပြီး ဂျပန်စာကို အသုံးပြု၍ ဂျပန်နိုင်ငံ၏ ပညာရေးဆိုင်ရာ ထောက်ပံ့ခြင်း လှုပ်ရှားမှုကို လူသိများ တွင်ကျယ်လာစေရမည် ဟူသော
သူ၏ အိပ်မက်ကို စိတ်ဆန္ဒပြင်းပြစွာ၊ ကျိုးကြောင်း ဆီလျော်စွာ ပြောဆိုသွားခဲ့ပါသည်။
ဖော်ညွှန်းလိုသည့် အချက်ကို လှပသော ဂျပန်စကားလုံးဖြင့် ထိထိမိမိ ပြောကြားသွားနိုင်ပြီး နားဆင်သူများအား အကြောင်းအရာထဲတွင် စီးမြောသွားစေနိုင်သည်၊့ အားအင်ပြည့်ဝသည့် ပြောဆိုမှုဖြစ်ပါသည်။

ဒုတိယဆု မောင်ကျော်ရဲအောင် [ရှုံးနိမ့်မှုများမှ ရရှိခဲ့သော သင်ခန်းစာ]

ဂုဏ်ပြုလက်မှတ်ကို ဂျပန်သံအမတ်ကြီး Mr. Maruyama မှ လည်းကောင်း၊ ဆုလက်ဆောင်ကို ဂျပန် ကုန်သည်ကြီးများ အသင်းဥက္ကဌ Mr.Negishi တို့မှ လည်းကောင်း အသီးသီး ပေးအပ် ချီးမြှင့်ခဲ့ပါသည်။

(အကဲဖြတ် ဒိုင်လူကြီးများ ၏ မှတ်ချက်)
ဂျပန်လုပ်ငန်းခွင်တွင် အကြိမ်ကြိမ် ရှုံးနိမ့်မှုများနှင့် တွေ့ကြုံခဲ့ရသော မိမိဘဝ တစိတ်တပိုင်းကို ဟာသနှော၍ ပြောကြားခဲ့ပြီး၊ ပြိုင်ပွဲခန်းမကို ရယ်မောသံများနှင့် ပြည့်နှက်သွားအောင် ဖန်တီးနိုင်ခဲ့သည့် မောင်ကျော်ရဲအောင်။
မောင်ကျော်ရဲအောင်၏ ရှုံးနိမ့်မှုများကို နားထောင်ရင်း [ကြိုးစားထား] ဟု နှုတ်မှ ဖွင့်ပြော လာချင်သည်အထိ ဖြစ်လာခဲ့သော်လည်း အလုပ်မထွက်ရလေအောင် သတိထားရမည့် မတူညီသော ယဉ်ကျေးမှုနှင့် ဓလေ့ထုံးစံတို့မှ ဖြစ်လေ့ရှိသည့်
သဘောထား ကွဲလွဲမှုမှာ လူအများအပြားမှ တွေ့ကြုံခဲ့ဖူးပြီး ဖြစ်သည်ဟု ထင်မြင်မိပါသည်။
ထို့ကြောင့်လည်း ပရိသတ်၏ စာနာထောက်ထားကြသော နွေးထွေးသည့် ရယ်မောသံများကို ဆောင်ယူလာနိုင်ခဲ့ခြင်း ဖြစ်ပါသည်။

တတိယဆု မစန္ဒီသိန်းတန်ဝင်း [စာအုပ်အဖုံး တစ်ခုတည်းဖြင့် စာအုပ်ကို အကဲမဖြတ်ပါနှင့်] 　

ဂုဏ်ပြု လက်မှတ်ကို ဂျပန်သံအမတ်ကြီး Mr. Maruyama မှလည်းကောင်း ၊ ဆုလက်ဆောင်ကို မြန်မာနိုင်ငံ ဂျပန်ပြန် ပညာသင်ဟောင်း အသင်းဥက္ကဌ ဦးမျိုးခင်တို့မှ လည်းကောင်း အသီးသီး ပေးအပ် ချီးမြှင့်ခဲ့ပါသည်။

(အကဲဖြတ် ဒိုင်လူကြီးများ ၏ မှတ်ချက်)
ကလေးဘဝတွင် နာနတ်သီး၏ အပြင်ပန်း သဏ္ဍာန်နှင့် အတွင်းသား မတူညီ ကွဲပြားခြားနားမှု၌ စိတ်လှုပ်ရှားခဲ့မိသည် ဟူသော ပြုံးချင့်စဖွယ် ဇာတ်လမ်းမှ အစပြုခဲ့သည့် မစန္ဒီသိန်းတန်ဝင်း၏ စကားပြောမှ .....
ဂျပန်လူမျိုး အထက်အရာရှိမှ မိမိအပေါ် ကောင်းမွန်စွာ အကဲဖြတ်ပေးသော်လည်း၊ မြန်မာလူမျိုးများအပေါ် ယခင်က မှန်းဆ အကဲဖြတ်တတ်သော ပုံသေ စိတ်ထားမျိုးရှိပြီး မစာမနာ ပြောဆိုခဲ့ခြင်း အပေါ်သိရှိကာ
ခံစားခဲ့ရသည့် သူ၏ အဖြစ်အပျက်သည် စိတ်ထိခိုက်ဖွယ်ရာကောင်းသော မေတ္တာရပ်ခံချက်တစ်ခု အနေနှင့် အကဲဖြတ် ဒိုင်လူကြီးများ၏ ရင်ကို ထိမှန်စေခဲ့ပါသည်။
မိမိတွေ့ကြုံ ခံစားခဲ့ရသည်များကို တစ်ဖက်သားက အလွယ်တကူ နားလည်စေနိုင်သည့် ထူးချွန်ပြောင်မြောက်သော စကားပြော ဖြစ်ပါသည်။

ဇွဲဆု မောင်ထွန်းထွန်းနိုင်[မိမိအတွက် တန်ဖိုးထားရမည့် ဂျပန်လူမျိုးနှင့် တွေ့ဆုံခြင်း]

ဂုဏ်ပြုလက်မှတ်ကို ဂျပန်သံအမတ်ကြီး Mr. Maruyama မှလည်းကောင်း ၊ ဆုလက်ဆောင်ကို ဂျပန်ဖောင် ဒေးရှင်း ရန်ကုန်ရုံးခွဲ၏ ဂျပန်ယဉ်ကျေးမှုစင်တာမှ ဒါရိုက်တာMr. Sato တို့မှလည်းကောင်း အသီးသီး ပေးအပ် ချီးမြှင့်ခဲ့ပါသည်။

(အကဲဖြတ် ဒိုင်လူကြီးများ ၏ မှတ်ချက်)
မိဘမဲ့ဂေဟာမှ ဂျပန်လူမျိုး နှစ်ဦးနှင့် ဆုံစည်းမှုမှာ စာသင်ကြားခြင်း၊ ဂျပန်စာ၊ ဘောလုံးအားကစားတို့ကို အင်တိုက်အားတိုက် ကြိုးစားသွားမည့် မောင်ထွန်းထွန်းနိုင်အား တွန်းအားပေးသည့် စွမ်းအားဖြစ်ကြောင်းကို နားထောင်ရင်း
ရင်ထဲကပါ နက်ရှိုင်းစွာ ခံစားလာရပါသည်။ မိမိကို စောင့်ရှောက်ပေးခဲ့သော မိသားစုနှင့် Dream Train ကျောင်း ကို ယခုမှစ၍ ကာကွယ်စောင့်ရှောက်သွားချင်သည့် သူ၏ အိပ်မက်အတွက် ဇွဲဆုကို ချီးမြှင့်ပေးအပ်လိုက်ပါသည်။

ဤအကြိမ်တွင် ပထမဆု ရရှိခဲ့သည့် မနွေဦးခိုင်သည် ယခုနှစ် ဆောင်းဦးတွင် တိုကျိုမြို့၌ ကျင်းပမည့် အာဆီယံနိုင်ငံများ၏ ဂျပန်စကားပြောပြိုင်ပွဲတွင် ပထမဆုရရှိသူများ စုဝေးမည့်အစီအစဉ်တွင် မြန်မာနိုင်ငံ ကိုယ်စားပြုအနေဖြင့် ဝင်ရောက်ယှဉ်ပြိုင်ရမည် ဖြစ်ပါသည်။

နောင်နှစ်တွင်လည်း ဂျပန်စာ လေ့လာနေသူ အများအပြား ဝင်ရောက်ယှဉ်ပြိုင်မည်ကို စောင့်မျှော်လျက်ရှိပါသည်။