ဂျပန်နိုင်ငံအစိုးရသည် ၄င်း၏အသေးစားစီမံကိန်းများထောက်ပံ့ရေးအစီအစဉ်အရ လူသားချင်းစာနာထောက်ထားမှု အထောက်အပံ့အဖြစ် (အမေရိကန်ဒေါ်လာ ၁၆၇,၇၅၄) ပေးအပ်ခဲ့ပါသည်။ အဆိုပါစီမံကိန်းမှာ -

(၁) ကယားပြည်နယ်၊ လွိုင်ကော်မြို့နယ်၊ ဆောင်ကန်းနှင့် ဆော်ခီးဒေါကျေးရွာ လယ်ယာကုန်ထုတ် ကျောက်ချောလမ်း ဆောက်လုပ်ရေးစီမံကိန်း ဖြစ်ပါသည်။

ကယားပြည်နယ်၊ လွိုင်ကော်မြို့နယ်တွင် ဆောက်လုပ်ထားသည့် လယ်ယာကုန်ထုတ် ကျောက်ချောလမ်း လွှဲပြောင်း ပေးအပ်ပွဲအခမ်းအနားကို ၂ဝ၁၈ ခုနှစ်၊ ဒီဇင်ဘာလ (၁၇) ရက်နေ့တွင် ကျင်းပခဲ့ပါသည်။ အခမ်းအနားသို့ မြန်မာ နိုင်ငံဆိုင်ရာဂျပန်သံရုံး သံမှူး Ms. Tomoko YOSHIHIRO ၊ ကယားပြည်နယ်အစိုးရအဖွဲ့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးဘော့စ်ကို၊ ဆောက်လုပ်ရေးစီမံကိန်း ကော်မတီဥက္ကဋ္ဌနှင့် ကော်မတီအဖွဲ့ဝင်များ၊ ရပ်မိရပ်ဖ များနှင့် ဒေသခံပြည်သူများ တက်ရောက်ခဲ့ကြပါသည်။

ဆောင်ကန်းကျေးရွာနှင့် ဆော်ခီးဒေါကျေးရွာကို မူလကဆက်သွယ်ထားသည့် စိုက်ပျိုးထွက်ကုန် သယ်ယူပို့ဆောင် ရေးလမ်းသည် စနစ်တကျကျောက်ခင်းထားခြင်းမရှိသဖြင့် မိုးရာသီတွင် ရွှံ့နွံထူထပ်လာခဲ့သောကြောင့် ကျေးရွာသူ ကျေးရွာသားများသည် စိုက်ပျိုးရေးထုတ်ကုန်ပစ္စည်းများ သယ်ယူပို့ဆောင်ခြင်း၊ လူနာများကို လွိုင်ကော်မြို့ရှိ အနီးဆုံးဆေးရုံသို့ ပို့ဆောင်လွှဲပြောင်းပေးခြင်းနှင့် ကျောင်းသူကျောင်းသားများကို အထက်တန်းကျောင်းသို့ ပို့ဆောင် ခြင်းများအတွက် အခက်အခဲများ ကြုံတွေ့ခဲ့ကြရပါသည်။ အဆိုပါ အခက်အခဲကိုဖြေရှင်းနိုင်ရန် ဂျပန်အစိုးရက လမ်း များကိုဆက်သွယ်ရန် သေတ္တာပုံရေပြွန်(၅)ခုပါဝင်သည့် (၄.၇ ကီလိုမီတာ) အရှည်ရှိသော လယ်ယာကုန်ထုတ် ကျောက်ချောလမ်း ဆောက်လုပ်ရေးစီမံကိန်း အကောင်အထည်ဖော်ရန်အတွက် ရံပုံငွေထောက်ပံ့ပေးခဲ့ခြင်း ဖြစ်ပါ သည်။ ဤစီမံကိန်းကြောင့် ကျေးရွာ(၂)ရွာမှ ဒေသခံပြည်သူ(၁၃,၂၃၃)ဦး အကျိုးခံစားကြရမည် ဖြစ်ပါသည်။

ဂျပန်နိုင်ငံအစိုးရသည်မြန်မာနိုင်ငံတွင် အသေးစားစီမံကိန်းများထောက်ပံ့ရေးအစီအစဉ်ဖြင့် ၁၉၉၃ ခုနှစ်မှစတင်ပြီး စီမံကိန်းပေါင်း(၈၈၃)ခုကို ထောက်ပံ့ပေးခဲ့ပြီးဖြစ်ရာ ပညာရေးထောက်ပံ့ရေး စီမံကိန်းပေါင်း(၄၅၃)ခု၊ ကျန်းမာရေး စောင့်ရှောက်မှုအဆင့်မြှင့်တင်ရေး စီမံကိန်းပေါင်း(၂ဝဝ)ခုနှင့် လူမှုဖူလုံရေးနှင့် ပတ်ဝန်းကျင်စီမံကိန်းပေါင်း (၁၄ဝ)ခု၊ အခြေခံအဆောက်အအုံစီမံကိန်းပေါင်း(၅၅)ခုနှင့် အခြားအမျိုးမျိုးသော စီမံကိန်းပေါင်း(၃၅)ခုတို့ကို ဆောက်လုပ် ကူညီခဲ့ပြီးဖြစ်ပါသည်။ ဤအထောက်အပံ့များသည် လက်ရှိဂျပန်-မြန်မာ နှစ်နိုင်ငံချစ်ကြည်ရေးကိုလည်း ပိုမိုတိုး တက်ခိုင်မာလာစေလိမ့်မည်ဟု မျှော်လင့်လျက်ရှိပါသည်။