မြန်မာနိုင်ငံဆိုင်ရာ ဂျပန်သံရုံးသည် နိုဝင်ဘာလ(၁၃)ရက်နေ့တွင် ဂျပန်ဖောင်ဒေးရှင်း (ယဥ်ကျေးမှုစင်တာ)ရန်ကုန်၊ မြန်မာနိုင်ငံ ဂျပန်ပြန်ပညာသင်ဟောင်းအသင်း (MAJA)တို့နှင့်ပူးပေါင်းပြီး (၂၂)ကြိမ်မြောက် ဂျပန်စကားပြောပြိုင်ပွဲကို ကြီးမှူးကျင်းပခဲ့ပါသည်။ ပြိုင်ပွဲကို ဂျပန်လူမျိုးများအသင်း၊ မြန်မာနိုင်ငံ ဂျပန်ကုန်သည်ကြီးများအသင်း (JCCM)၊ ဂျပန်-မြန်မာအသင်းနှင့်ဂျပန် ပြည်ပစီးပွာရေး လုပ်ငန်းရှင်များ အသင်းတို့ကလည်း ပံ့ပိုးကူညီခဲ့ကြပါသည်။
နောက်ဆုံးအဆင့်ပြိုင်ပွဲကို ကျင်းပသည့်နေ့တွင် ပြိုင်ပွဲ၀င်စုစုပေါင်း ၇၈ ဦးအနက် ပဏာမပြိုင်ပွဲတွင် အနိုင်ရရှိခဲ့သူ ၁၅ ဦးက ပါဝင်ယှဉ်ပြိုင်ခဲ့ပြီး အကဲဖြတ်ဒိုင်လူကြီးများက တင်းကျပ်သော အမှတ်ပေးစည်းမျဥ်းများအတိုင်း အကဲဖြတ်အမှတ်ပေးခဲ့ကြပြီးနောက် အနိုင်ရရှိသူ ၅ ဦးကို ကြေငြာခဲ့ပါသည်။
ဆုရရှိသူများနှင့် ၎င်းတို့ပါ၀င်ယှဥ်ပြိုင်ခဲ့သော ခေါင်းစဥ်များမှာ အောက်ပါအတိုင်းဖြစ်ပါသည်။ ဆုရရှိသူများကို နိုဝင်ဘာလ (၂၀) ရက်နေ့တွင် ဂုဏ်ပြုလက်မှတ်နှင့် ဆုလက်ဆောင်များကို ပေးအပ်ချီးမြှင့်ခဲ့ပါသည်။
| ပထမဆု | မခင်လပြည့်မောင် |
| "ကျွန်ုပ်၏မိခင်" | |
| ဒုတိယဆု | မမြင့်မြင့်မွန် |
| "အမှန်တကယ် တောက်ပနေသော သင့်ဆီသို့" | |
| တတိယဆု | မခင်ရူပါကျော် |
| "ယုံကြည်ခြင်းဟာ အောင်မြင်မှုရဲ့ ပထမဦးဆုံးခြေလှမ်း" | |
| ဇွဲဆု | မောင်အောင်ငွေဟိန်း |
| "လူသားမျိုးနွယ်ရဲ့အနာဂတ်ကို ကယ်တင်နိုင်မယ့်နည်းလမ်း" | |
| ဇွဲဆု | မောင်မိုးထက်အောင် |
| "အရဲစွန့်လှမ်းခဲ့တဲ့ ခြေတစ်လှမ်းပေါ်က သတ္တိတစ်စုံ" |
ကိုရိုနာဗိုင်းရပ်စ် ရောဂါကူးစက်ပြန့်ပွားမှုကို ကာကွယ်သည့်အနေဖြင့် ယမန်နှစ်က ကျင်းပခဲ့သည့်အတိုင်း ဒုတိယအကြိမ်မြောက် စကားပြောပြိုင်ပွဲကို Online မှကျင်းပခဲ့သော်လည်း မြန်မာနိုင်ငံတစ်ဝှမ်းမှ ဂျပန်စာ စိတ်ဝင်စားသူ အများအပြားက ဝင်ရောက် ယှဥ်ပြိုင်ခဲ့ကြပြီး အလွန်စွမ်းရည်မြင့်မားသောပြိုင်ပွဲတစ်ခု ဖြစ်ခဲ့ပါသည်။ (၂၂)ကြိမ်မြောက်ဂျပန်စကားပြောပြိုင်ပွဲ ကျင်းပခဲ့ပုံကို Youtube မှ မြန်မာစာတန်းထိုးဖြင့် ထုတ်လွှင့်သွားမည်ဖြစ်ပါသောကြောင့် ဆက်ဆက် အားပေးကြည့်ရှုစေလိုပါသည်။
 |
 |
 |
 |
 |
 |
No.100 Natmauk Road, Bahan Township, Yangon
01-549644~8