မြန်မာနိုင်ငံဆိုင်ရာ ဂျပန်သံရုံးသည်JENESYS အစီအစဥ်ဖြင့် Onlineမှ ကျင်းပမည့် (၁၄)ကြိမ်မြောက် အပြည်ပြည်ဆိုင်ရာ အာရှကလေးသူငယ်များ ရုပ်ရှင်ပွဲတော်တွင် ပါဝင်ရန် စိတ်ပါဝင်စားသူများကို ဖိတ်ခေါ်လျက်ရှိပါသည်။ ယခုနှစ်တွင် အစီအစဥ်ကို Online မှကျင်းပသွားမည်ဖြစ်ပြီး ယခင်နှစ်များ၏ ဖန်တီးမှုလက်ရာများကို အခြားနိုင်ငံများမှ ပါဝင်သူများနှင့်အတူ ကြည့်ရှုခံစားနိုင်မည် ဖြစ်ပါသည်။ ရုပ်ရှင်နှင့် ဗီဒီယိုဖန်တီးခြင်းကို စိတ်ပါဝင်စားသော အထက်တန်းကျောင်းသား၊ကျောင်းသူများ ဝင်ရောက် လျှောက်ထား နိုင်ပါသည်။

*JENESYS အစီအစဥ်သည် လူငယ်များအတွက် ရည်ရွယ်သော အစီအစဉ်တစ်ခုဖြစ်ပြီး ဂျပန်နှင့် အာရှ-ပစိဖိတ်နိုင်ငံများ၊ ဒေသများအကြား အကြောင်းအရာအမျိုးမျိုးကို ဆွေးနွေးဖလှယ်မှုများမှတစ်ဆင့် လေ့လာသင်ယူနိုင်ပါသည်။

• ■ အစီအစဥ် ကျင်းပမည့်ကာလ
  ・၂၀၂၂ခုနှစ် မတ်လ ၈ရက်နေ့မှ ၁၈ရက်နေ့အထိ
  ・နေ့စဥ် မွန်းလွဲ (၁) နာရီခွဲမှ (၃)နာရီအထိ ကျင်းပသွားမည်ဖြစ်ပါသည်။
  ※ Online မှတစ်ဆင့် ကူးလူးဆက်သွယ်မည့် အစီအစဥ် (၅)ခုကို အထက်ဖော်ပြပါကာလအတွင်း ကျင်းပသွားမည်ဖြစ်ပါသည်။


• ■ အစီအစဥ်နှင့်ပတ်သက်၍
  အစီအစဥ်ကို Zoom Application ဖြင့် ကျင်းပသွားမည်ဖြစ်ပါသည်။
  အစီအစဥ်ကျင်းပစဥ်တွင် မြန်မာဘာသာပြန် ထားရှိမည်ဖြစ်သော်လည်း ပါဝင်သူများနှင့် တာဝန်ခံဝန်ထမ်းများအကြား အင်္ဂလိပ်ဘာသာဖြင့်သာ ဆက်သွယ်ပြောဆိုရမည်ဖြစ်ပါသည်။


• ■ လျှောက်ထားရန် လိုအပ်ချက်များ
  ・အခြေခံပညာအထက်တန်းအဆင့် ကျောင်းသား၊ကျောင်းသူဖြစ်ရမည်။
  ・မြန်မာနိုင်ငံတွင်နေထိုင်လျက်ရှိသော မြန်မာနိုင်ငံသားဖြစ်ရမည်။
  ・Online မှကျင်းပမည့် အစီအစဥ် (၅)ခုစလုံးကို ပါဝင်နိုင်ပြီး အင်တာနက် အခြေအနေကောင်းမွန်စွာရှိထားရမည်။
  
  ※ ဂျပန်နိုင်ငံတွင် ကာလရှည်ကြာစွာ ပညာသင်ကြားခဲ့သူများ၊ နေထိုင်ခဲ့သောသူများနှင့် အောက်ပါအစီအစဥ်ကို ပါဝင်ခဲ့ကြသူများသည် ဤအစီအစဥ်ကို လျှောက်ထားရန် အကျုံးမဝင်ပါ။
  JENESYS Inbound Program/ JENESYS 10 days online program/ KIZUNA/ SSEAYP (Ship for South East Asian and Japanese Youth Program)/ JICA (Except the program hold in AMS countries and Timor-Leste)/ Japanese Government (Ministry of Education, Culture, Sports, Science and Technology (MEXT)) Scholarship Program/ Invitation Program of JF (Japan Foundation), JNTO (Japan National Tourism Organization) or AOTS*(HIDA**)
  * Association for Overseas Technical Cooperation and Sustainable Partnerships
  ** The Overseas Human Resources and Industry Development Association (the previous name of AOTS)
  


• ■ လျှောက်လွှာဖောင်
  ဤနေရာတွင် လျှောက်ထားနိုင်ပါသည်။      
  https://docs.google.com/forms/d/17luE3-v5UlbQ3Nc8kBeISC2GU96qilTil0qPJpHeJQc/


• ■ လျှောက်လွှာလျှောက်ထားရန် သတ်မှတ်ရက်
     ၂၀၂၂ခုနှစ် ဖေဖော်ဝါရီလ (၆)ရက် တနင်္ဂနွေနေ့ နောက်ဆုံးထား၍ လျှောက်ထားရမည်ဖြစ်သည်။
  

အရွေးချယ်ခံရသူများကိုသာ တိုက်ရိုက်အကြောင်းကြားသွားမည်ဖြစ်ပြီး လျှောက်ထားသူများ အလွန်များပြားပါက မဲနှိုက်ပြီးရွေးချယ်သွားမည်ဖြစ်ကြောင်း ကြိုတင်အသိပေးအပ်ပါသည်။