【(၂၄)ကြိမ်မြောက် ဂျပန်စကားပြောပြိုင်ပွဲ၏ ထူးချွန်ဆုရရှိသူများကို ကြေညာခြင်း 】

　　　မြန်မာနိုင်ငံဆိုင်ရာ ဂျပန်သံရုံးသည် နိုဝင်ဘာလ(၁၁)ရက်နေ့တွင် ဂျပန်ဖောင်ဒေးရှင်း (ယဥ်ကျေးမှုစင်တာ)ရန်ကုန်၊ မြန်မာနိုင်ငံ ဂျပန်ပြန် ပညာသင်ဟောင်းအသင်း (MAJA)တို့နှင့်ပူးပေါင်းပြီး (၂၄)ကြိမ်မြောက် ဂျပန်စကားပြော ပြိုင်ပွဲကို ကြီးမှူးကျင်းပခဲ့ပါသည်။  ပြိုင်ပွဲကို ဂျပန်လူမျိုးများ အသင်း၊  မြန်မာနိုင်ငံ ဂျပန်ကုန်သည်ကြီးများ အသင်း (JCCM)၊ ဂျပန်-မြန်မာအသင်းနှင့် ဂျပန် ပြည်ပ စီးပွားရေး လုပ်ငန်းရှင်များ အသင်းတို့ကလည်း ပံ့ပိုးကူညီခဲ့ကြပါသည်။
　　　ပါဝင် ယှဥ်ပြိုင်ကြသည့် ပြိုင်ပွဲ၀င်များစွာထဲမှ   ပဏာမအဆင့် အနိုင်ရရှိခဲ့သူ ၁၅ ဦးက နောက်ဆုံးအဆင့် ပြိုင်ပွဲတွင် ပါဝင် ယှဉ်ပြိုင်ခဲ့ကြပါသည်။ အကဲဖြတ် ဒိုင်လူကြီးများက တင်းကျပ်သော အမှတ်ပေး စည်းမျဥ်းများအတိုင်း အကဲဖြတ် အမှတ်ပေးခဲ့ကြပြီးနောက် အနိုင်ရရှိသူ ၅ ဦးကို ကြေညာခဲ့ပါသည်။ ဆုရရှိသူများကို ဂုဏ်ပြုလက်မှတ်နှင့် ဆုလက်ဆောင်များကို ပေးအပ် ချီးမြှင့်ခဲ့ပါသည်။
 
 
○ ဆုရရှိသူများ
　　ပထမဆု မမိုးပြည့်ပြည့်စံ
 　　　　
 
　　ဒုတိယဆု မယွန်းဖြူအောင်
　　　　

　　တတိယဆု မောင်ဇော်တင့်ထူးအောင်
 　　　　
 
　　ဇွဲဆု မအိဖြိုးသွယ်
 　　　　
 
 
　　ဇွဲဆု မဆုစန္ဒီထွန်း
　　　　

　　　ယခုနှစ်တွင်လည်း ယခင်နှစ်များကဲ့သို့ပင်  ပြိုင်ပွဲကို လူကိုယ်တိုင်လာရောက်ယှဥ်ပြိုင်ခြင်း၊ Onlineမှတဆင့် ပါဝင်ယှဥ်ပြိုင်ခြင်း စသည့် Hybrid ပုံစံဖြင့် ကျင်းပခဲ့ပြီး မြန်မာနိုင်ငံအဝှမ်းမှ စိတ်ပါဝင်စားသူများက ပါဝင်ယှဥ်ပြိုင်ခဲ့ကြပါသည်။ နောင်နှစ်တွင်လည်း ပြိုင်ပွဲဝင် အမြောက်အမြား ဝင်ရောက် ယှဥ်ပြိုင်မည်ကို မျှော်လင့် စောင့်စားလျက် ရှိပါသည်။
　　　　　　　　　　　
 　　　　　　　　　　　ဂျပန်စကားပြောပြိုင်ပွဲ အမှတ်တရစုပေါင်း ဓာတ်ပုံ