【(၂၆)ကြိမ်မြောက် ဂျပန်စကားပြောပြိုင်ပွဲ၏ ထူးချွန်ဆုရရှိသူများကို ကြေညာခြင်း】

　　မြန်မာနိုင်ငံဆိုင်ရာ ဂျပန်သံရုံးသည် အောက်တိုဘာလ(၁၈)ရက်နေ့တွင် ဂျပန်ဖောင်ဒေးရှင်း (ယဥ်ကျေးမှုစင်တာ) ရန်ကုန်၊ မြန်မာနိုင်ငံ ဂျပန်ပြန် ပညာသင်ဟောင်းအသင်း (MAJA)တို့နှင့်ပူးပေါင်းပြီး (၂၆)ကြိမ်မြောက် ဂျပန်စကားပြောပြိုင်ပွဲကို ကြီးမှူးကျင်းပခဲ့ပါသည်။  ပြိုင်ပွဲကို ဂျပန်လူမျိုးများ အသင်း၊  မြန်မာနိုင်ငံ ဂျပန်ကုန်သည်ကြီးများ အသင်း (JCCM)၊ ဂျပန်-မြန်မာအသင်းနှင့် ဂျပန် ပြည်ပ စီးပွားရေး လုပ်ငန်းရှင်များ အသင်းတို့ကလည်း ပံ့ပိုးကူညီခဲ့ကြပါသည်။
 
　　ပြိုင်ပွဲ၀င်များစွာထဲမှ ပဏာမအဆင့်တွင် အနိုင်ရရှိခဲ့သူ ၁၅ ဦးက ပါဝင် ယှဉ်ပြိုင်ခဲ့ကြပါသည်။ အကဲဖြတ် ဒိုင်လူကြီးများက တင်းကျပ်သော အမှတ်ပေး စည်းမျဥ်းများအတိုင်း အကဲဖြတ် အမှတ်ပေးခဲ့ကြပြီးနောက် အနိုင်ရရှိသူ ၅ ဦးကို ကြေညာခဲ့ပါသည်။ ဆုရရှိသူများအား ဂုဏ်ပြုလွှာများနှင့် ဆုလက်ဆောင်များကို ပေးအပ် ချီးမြှင့်ခဲ့ပါသည်။
              

ဒုတိယဆု - မောင်မင်းသီဟကျော် (ရှေ့ဆက်တွန်းအား)
          

တတိယဆု - မသန့်နဒီဇော်「Language connects heart」
          

 မြန်မာနိုင်ငံ ဂျပန်ကုန်သည်ကြီးများ အသင်း (JCCM)ဆု - မပန်းအိထွေး　(နည်းပညာဖြင့် ကမ္ဘာကို ပြောင်းလဲစေမည်)
          

ဂျပန်လူမျိုးများ အသင်းဆု - မအိမြတ်မွန် (သမရိုးကျကိစ္စများဆိုတာ ဘာများပါလိမ့်)
          
  　　ပြိုင်ပွဲဝင်အားလုံး၏ အကြောင်းအရာများသည် အလွန်ကောင်းမွန်ပြီး ဆုရရှိသူများအပြင်  ထူးခြား၍ စိတ်လှုပ်ရှားဖွယ်ကောင်းသော အကြောင်းအရာများကို ပြောကြားသွားသည့် ပြိုင်ပွဲဝင်များကိုလည်း Sumitomo Corp Asia & Oceania Pte Ltd ရန်ကုန်ရုံးချုပ်၏ ဒါရိုက်တာ မစ္စတာရှိမိဇုမှ  "စိတ်လှုပ်ရှားဖွယ် အကောင်းဆုံးဆု" နှင့် Mitsubishi Corporation Myanmar ၏ အထွေထွေ ကိုယ်စားလှယ် မစ္စတာယာစုဟရမှ "စိတ်ဓာတ်ခွန်အားအပေးနိုင်ဆုံးဆု (Mitsubishi Corporation) "တို့ကို အသီးသီး ထပ်တိုးချီးမြှင့်ခဲ့သည်။
  〇 "စိတ်လှုပ်ရှားဖွယ် အကောင်းဆုံးဆု" - မဆုနန္ဒာ (မိခင်ဆိုသော ဖြစ်တည်မှု)
          

〇 "စိတ်ဓာတ်ခွန်အားအပေးနိုင်ဆုံးဆု (Mitsubishi Corporation) "- မအိအိဆွေဇင်
(ကျွန်ုပ်တို့ ပိုင်ဆိုင်ထားသော ကောင်းချီးမင်္ဂလာများ)
          
　　အခမ်းအနားကျင်းပသည့်နေ့တွင် ပြိုင်ပွဲဝင်များက ခေါင်းစဉ်အမျိုးမျိုးဖြင့် ယှဥ်ပြိုင်ခဲ့ကြကာ ပွဲစဥ်တစ်လျှောက်လုံး စိတ်လှုပ်ရှားဖွယ်ကောင်းပြီး ပြိုင်ပွဲကို အောင်မြင်စွာ ကျင်းပနိုင်ခဲ့ပါသည်။
　　နောင်နှစ်တွင်လည်း ပြိုင်ပွဲဝင် အမြောက်အမြား ဝင်ရောက် ယှဥ်ပြိုင်ကြမည်ကို မျှော်လင့် စောင့်စားလျက် ရှိပါသည်။

 
ဂျပန်စကားပြောပြိုင်ပွဲ အမှတ်တရစုပေါင်း ဓာတ်ပုံ