(၂၁)ကြိမ်မြောက် ဂျပန်စာပေ ဘာသာပြန်ပြိုင်ပွဲ ကျင်းပမည့်အကြောင်း ကြေညာခြင်း

　　မြန်မာနိုင်ငံဆိုင်ရာ ဂျပန်သံရုံးသည် မြန်မာနိုင်ငံ ဂျပန်ပြန်ပညာသင်ဟောင်းအသင်း (MAJA)၊ ဂျပန်ဖောင်ဒေးရှင်း (ရန်ကုန်) - ဂျပန်ယဥ်ကျေးမှုစင်တာတို့နှင့် ပူးပေါင်း၍  (၂၁)ကြိမ်မြောက် ဂျပန်စာပေ ဘာသာပြန်ပြိုင်ပွဲကို ကြီးမှူး ကျင်းပသွားမည် ဖြစ်ပါသည်။
ဘာသာပြန်ပညာရှင်အဆင့်ကို ရည်မှန်း၍ ဂျပန်ဘာသာကို အဆင့်မြင့်လေ့လာနေသူများ အတွက် ရည်ရွယ်သော “ကျွမ်းကျင်အဆင့်” ဂျပန်စာပေဘာသာပြန်ပြိုင်ပွဲနှင့် ဂျပန်ဘာသာ အရည်အချင်း N3 အဆင့်ရှိ အခြေခံအဆင့်ဂျပန်ဘာသာလေ့လာနေသူများအတွက် “အငယ်တန်း အဆင့်”  ဂျပန်စာပေဘာသာပြန်ပြိုင်ပွဲ ဟူ၍  ခွဲခြားကျင်းပသွားမည်ဖြစ်ပါသည်။
　　ပြိုင်ပွဲတွင်ဆုရရှိသူများကို ဂုဏ်ပြုလွှာနှင့်အတူ ဆုလက်ဆောင်များ ချီးမြှင့်ပေးအပ်သွားမည့် အပြင် သတ်မှတ်ချက်များနှင့် ကိုက်ညီပါက  ဂျပန်နိုင်ငံသို့ ဖိတ်ကြားခြင်းအစီအစဉ်များတွင်လည်း ပါဝင်ခွင့်ရရှိနိုင်ရန် စီစဉ်ထားပါသည်။
　　ပါဝင်ယှဉ်ပြိုင်လိုသူများအနေဖြင့် အောက်ပါအချက်အလက်များကို ဝင်ရောက်ဖတ်ကြည့်ရှုပြီး လျှောက်ထားနိုင်ပါသည်။
 
၁။ ကြီးမှူးကျင်းပသည့် အဖွဲ့အစည်းများ
 ကြီးမှူးကျင်းပသည့် အဖွဲ့အစည်း ။　 ။ မြန်မာနိုင်ငံဆိုင်ရာ ဂျပန်သံရုံး၊ မြန်မာနိုင်ငံ ဂျပန်ပြန် ပညာသင်ဟောင်း အသင်း (MAJA)၊ ဂျပန်ဖောင်ဒေးရှင်း (ရန်ကုန်) - ဂျပန်ယဥ်ကျေးမှုစင်တာ။
 ပံ့ပိုးကူညီသည့် အဖွဲ့အစည်း ။　　　။ မြန်မာနိုင်ငံ ဂျပန်ကုန်သည်ကြီးများ အသင်း (JCCM)၊ ရန်ကုန် ဂျပန်လူမျိုးများအသင်း၊ ဖူကူအိုကာမြို့တော်။
 
၂။ ပြိုင်ပွဲဝင်လျှောက်လွှာတင်ရန်
လျှောက်လွှာတင်ရမည့် ကာလ ။　　　　 ။ ၂၀၂၆ခုနှစ် ဇန်နဝါရီလ ၅ ရက် မှ ၁၈ ရက်အတွင်း အောက်ပါလင့်ခ်များမှ  ဝင်ရောက်လျှောက်ထားပါရန်။
　(က) ဂျပန်စာပေ ဘာသာပြန်ပြိုင်ပွဲ (ကျွမ်းကျင်အဆင့်)
　　　URL : https://forms.gle/MQdbWQKGJB4VUNbFA
　(ခ) ဂျပန်စာပေ ဘာသာပြန်ပြိုင်ပွဲ (အငယ်တန်းအဆင့်)
　　　URL : https://forms.gle/JT85vTiNApSykL6X9
 
၃။ ပြိုင်ပွဲကျင်းပမည့်ပုံစံနှင့် ပြိုင်ပွဲဝင်စည်းကမ်းချက်များ
　(က) ဂျပန်စာပေ ဘာသာပြန်ပြိုင်ပွဲ (ကျွမ်းကျင်အဆင့်)
　　* ကျွမ်းကျင်အဆင့်အတွက် ဂျပန်စာပေ ဘာသာပြန်ပြိုင်ပွဲ ကို Zoom online system ဖြင့် ကျင်းပမည်ဖြစ်ပါသည်။
　　* ပြိုင်ပွဲကို ၁၄. ၂. ၂၀၂၅ (စနေနေ့) နံနက် ၉:၀၀- မွန်းလွဲ ၁၂:၀၀ အထိ Zoom online system မှတစ်ဆင့် ကျင်းပသွားမည်ဖြစ်ပြီး ယင်းနေ့တွင် ပြန်ဆိုရမည့်အကြောင်းအရာကို ပြိုင်ပွဲဝင်များထံသို့  E-mail ဖြင့် တိုက်ရိုက် ပေးပို့သွားမည် ဖြစ်ပါသည်။
ပြိုင်ပွဲဝင် စည်းကမ်းချက်များမှာ အောက်ပါအတိုင်းဖြစ်ပါသည်။
　　* မြန်မာနိုင်ငံအတွင်းနေထိုင်သူ မြန်မာနိုင်ငံသားများ ပါဝင်ယှဉ်ပြိုင်နိုင်ပါသည်။
　　* ယခင်ကျင်းပခဲ့သော ဂျပန်စာပေ ဘာသာပြန်ပြိုင်ပွဲများတွင် ဆုမရရှိဖူးသူ ဖြစ်ရပါမည်။
 
　(ခ) ဂျပန်စာပေ ဘာသာပြန်ပြိုင်ပွဲ (အငယ်တန်းအဆင့်)
　　* ပြိုင်ပွဲကို ၁၅. ၂. ၂၀၂၅ (တနင်္ဂနွေနေ့) နံနက် ၉:၀၀ - မွန်းလွဲ ၁၁:၀၀ အထိ Zoom online system မှတစ်ဆင့် ကျင်းပသွားမည်ဖြစ်ပြီး ယင်းနေ့တွင် ပြန်ဆိုရမည့်အကြောင်းအရာကို ပြိုင်ပွဲဝင်များထံသို့ E-mail ဖြင့် တိုက်ရိုက် ပေးပို့သွားမည် ဖြစ်ပါသည်။
ပြိုင်ပွဲဝင် စည်းကမ်းချက်များမှာ အောက်ပါအတိုင်းဖြစ်ပါသည်။
　　* မြန်မာနိုင်ငံအတွင်းနေထိုင်သူ မြန်မာနိုင်ငံသားများ ပါဝင်ယှဉ်ပြိုင်နိုင်ပါသည်။
　　* ဂျပန်ဘာသာအရည်အချင်း N3 အဆင့်ရှိသည့် ဂျပန်စာလေ့လာနေသူများ ပါဝင်ယှဉ်ပြိုင် နိုင်ပါသည်။ (ဂျပန်ဘာသာအရည်အချင်း N1, N2 အဆင့်ရှိသူများ လျှောက်ထား၍မရပါ။)
　　* ဂျပန်နိုင်ငံတွင် တစ်လနှင့် အထက် နေထိုင်ဖူးသူ မဖြစ်ရပါ။
 
၄။ စုံစမ်းမေးမြန်းရန်
　 မြန်မာနိုင်ငံ ဂျပန်ပြန် ပညာသင်ဟောင်းအသင်း (MAJA)
 　Email : event.maja@gmail.com
 　Tel : 09 262602121, 09 428612151